مسجات بشعر الشعبى

عليش اتكدر فيا معاك .........واناما عندى غير غلاكــــــ

--------------------------------------------------------

عليك أيسلم حايس بلاك العقل نين أمفلم العين رايفت وقلبي عليك أيسلم

--------------------------------------------------------

شهاد من مولاى الحى انك غالى وتعز على

--------------------------------------------------------

برشا برشا غلاك مايمتحى بليفة حرشة

--------------------------------------------------------

كيف أمورك......يلي العقل اليوم سافر شورك........عليك ننشدوا بالله كيف أمورك؟

--------------------------------------------------------

مازلت ننشد عنك ...... ونقولك كيف حالك
رغم الوجيعه منك ..... وانسيتنى من بالك

--------------------------------------------------------

فاقد ايام دلالة.....لامن اشقيبا لا من نشد عن حالة قزون خاطرى

--------------------------------------------------------

دز اجوابه تحايا ربيع الصوب بعد اجذابه.........رفيق الغلامشكور دز اجوابه

--------------------------------------------------------

هد هدوده العين حنونه ... قالت كيف قديم نهونه

--------------------------------------------------------

ملي بملي..أنوفي غلاكم وأما أقرام أنخلي..وماترخصوا في الكيل حتي ملي..

--------------------------------------------------------

ننشــــد ديمـــــه..
صاحب وللصاحب عندي قيمه ماني الي نســــاي
ننشــــد ديمـــــه..

--------------------------------------------------------

@..أيعز عليا.@
ماننساه مادام عيني حيه..الصاحب اللي كيفك أيعز عليا..

--------------------------------------------------------

عندي عين خذتها عاده.... ديما عالصاحب نشاده...

--------------------------------------------------------

يانشاد علي أجعنك... ليام الشينه ماإيجنك...

--------------------------------------------------------

مسا الخير عالعزيزين. مسا ود طالق سراحه. مساخيرويجر في خير. ورا كل خيرينراحه. مسا مونته بر ولدين. مسا ميزته فالصراحه. مسا غايته للبعيدين. يوصلاو يسبل جناحه. مسا حر مطلوق ليدين. اورايه ايجيب في صلاحه.ويصافح ايسلمباليدين.مسا جريح يبرن اجراحه.مساء معزة بلاحدود.

--------------------------------------------------------

_يسلم هلي كيف قمرنا *** متفكرنا ***
وين انغيبوااا مذكرنا

--------------------------------------------------------

علي خاطرها ..العين يلي شالت معاك نظرها ..تواضع الها وانشد

--------------------------------------------------------

بكره وبعد بكره واليوم وأمس عندي غلاكم كيف نور الشمس موحال ينتسي

--------------------------------------------------------

مافيش يوم انسيتكم ناوين وانتم وين @ ديماعليا تخطروافي كل رمشةعين@‏

--------------------------------------------------------

دونك الها سكتها ... تبكي ونا ماني سبب بكيتها ... العين حايسه

--------------------------------------------------------

عندك علم مانحمل بلاك/اوعندك علم ماغيرك انريد/ اوعندك علم ياغالي غلاكتما كل ما يقدم ايزيد/عندك علم ناهو اللي حذاك حتي انكنت ياغالي بعيد

--------------------------------------------------------

اصحاب ينشدوا واصحاب ننشد عنهم واصحاب غابوا ومانقدر على غيبتهم

--------------------------------------------------------

راكم غوالي وخاطري شاريكم.....انموت بالزعل لوكان مانرظيكم

--------------------------------------------------------

أنت الغلا كله وأنت السؤال الصعب وأنت حله. وأنت خيال الروح وأنت ضله . وأنت عزيز للقلب وأنت خله. وأنت سواد العين والبياض كله. وأنت وأنت وأنتسرقت العقل والفكر كله

--------------------------------------------------------

اللي ما بكا لبكاك... انتي علية ياعين ليش باكية

--------------------------------------------------------

العزيز الغايب هو مشكاي طبيبي والعلة ودواي

--------------------------------------------------------

غلاكم مبني وسط العين / بساس متين/ امصوقر لا سلفه ولا دين

--------------------------------------------------------

ماهو بيدي نبي نهدرز لكن قليل رصيدي مرايف عليك والله ماهو بيدي

--------------------------------------------------------

اكملتى ياكبدى تشليح .... مع تمليح ...... على كانون امقابل ريح ....

--------------------------------------------------------

الدنيا ماهي دار ركاح ... غلا واجد درناه وراح

--------------------------------------------------------

انتو اصل الود والمعزة انتو هلها
ربي خلق الدنيا حلوة وبوجودكم كملها

--------------------------------------------------------

سلام خاص على ناس ماهم رخاص لا يمل القلب منهم ولا يقول خلاص

--------------------------------------------------------

سالت قلبــــــــــــــــــي ليش ما ينساك ...... وليش كل لحظة ايـــــــــــــــــــــــــــــزيد غلاك .......قال لي شن دخلك؟؟؟

--------------------------------------------------------

عندي عادي قلت هناي وعوزتي لرقادي ....
مدام العزيز ابخير

--------------------------------------------------------

امنور يا غالي صحيت ................................... بعد جينا للجد رخيت

--------------------------------------------------------

ثبت علميا أن الأناقة والجمال يقصرن العمر زيطي ياحنه عمرك طويل

--------------------------------------------------------

كل مانشوف اعيونك نبي انقولك شي ...................................شكلك تعبان برا ارقد

--------------------------------------------------------

الدنيا مريرا واسمها فراقه لا اتهنى خوت ولا تلم رفاقه

--------------------------------------------------------

ودي الرحيــــل معـــاك .... ويـــن ما يشيــــل خطاك

نـــرحـل بــــلا تفكيـــر ... قــلبـــي معـــاك يطيــر

ونبقـــى قـــريـــب حــــداك

ودي نكـــون دليـــلـــك ... نبـقى الونيــس فــي ليــلك

انتـي زهــا مــشــــواري ... حبــــك شــــذا نـــواري

بيــك فرحـتي ومعــاك

ودي القســـامي اتجيبك ... ونـعيــش دوم حبــيـبك

تــزهـى معــــاك عيـوني ... وتظــــللك بجفـــوني

وايـــش الحيــاة لــولاك

انــي انـدللـــك وانــزيدك .... وانكـــون شمعـــة عيدك

نرحــل معـــاك نعــدي .... ومـــا انفـــارقك يـا ودي

والعمــر كلــه فــداك

--------------------------------------------------------

راكم غوالي وخاطري شاريكم
حال غايتي نصبح ونمسى بيكم
حال الغاية
نشوفك قريب ياعزيز احداية
نصبح ونمسى دوم وانت معاية
لكن بعاد والقلب يرجى فيكم

--------------------------------------------------------

مجبور ديمة رنتك نسمعها خلك علي حنون ما تمنعه

--------------------------------------------------------

بلي جابت" هي كبد درناها عليك وذابت ...أطاول رجانه فيك"واجد سدت ..هي كبددرناها عليك اوفدت .. واجد بكت منك وفيك اجدت..شفشفتها ياسمح راهي طابت.." بلي جابت...! هي كبد درناها عليك وذابت... اطاول رجانا.

--------------------------------------------------------

عزيزعندكم ونتوا أعزاز علي ..بلاكم الدنيا ماتساوي شي... عليكمغالي..وعندكم ماكيف كيفي والي.. أنتوا هناي وفرحتي ودلالي..نرتاح وينمامنكم رسالة تجي

--------------------------------------------------------

مازلت شايلك مقام كبير ومازلت كي تخطرعلي أنحيرومازلت لك مشتاق ومازلت كيتخطر أنزيد أشواق ومازال مايحلي بلاك مذاق ومازال من غيرك الحال ضريرمازلت شايلك مقام كبير ‏

--------------------------------------------------------

غلاك عندي بالسماء مرتفع فوق،،،دايم مكانه ثابت عند حده،،،مهو بسهم تحكمهحالة السوق،،،ولاهو بسلعة تنتهي عقب مده،،،قلبي يضخه في شرايين وعروق،،،حبسماوي ماخلق من يرده،،،

--------------------------------------------------------
لجواد سيرتهم تعز عليا. يستاهلو كل الاقدار هدية! لجواد يامحلاهم. سوايخطروا ولايجيك نباهم. تسعد اوتهنا انكان جيت احذاهم. وبيك يفرحو هللينظاف النية! بعاد المواجع صاينين خطاهم. وفي فضلهم كل الكلام شوية.

--------------------------------------------------------

ياالعين تسكيبك عليه مذله.. منحاش لاجا لابعث مرسال .. ولاكل من سافر وصلبسم الله .. ولاكل من طالب حقوقه نال .. ولاكل عاشق ع الحبيب تخلا .. ولاكل متزوج ايجوه اعيال .. ولاكل من يسمع كلام ايعله .. ولاكل متعلم يردسؤال

--------------------------------------------------------

صباح الخير ياأهل الزين كله..صباح الورد بأزهاره وفله. .صباح بشوفتك يحلي الكون كله

--------------------------------------------------------

صباح خير ومعزه صباح شخص انعزه صباح من خش قلبي وماعد اقدرت انلزه صباحالرياف صباح ناس أكثر من روحي عليهم أنخاف لكم احلى ضحكه مع سلامييامحليين الدنيا قدامي ومهما عليكم انقول يطلع شوي كلامي

--------------------------------------------------------

صباحك ورد "وأنت ألصباح ألزين" صباح ألنور "يأحبابنا لغاليين "

--------------------------------------------------------

صباحك ناير.. ايامك بشاير.. اجعل اللي يكرهك ديما حاير ."صباح الورد"

--------------------------------------------------------
عندك خوت ماليهم متايل@ وقت الضيق ديما واقفين@ربة جود مش ربة ردايل @كيفالكنز معياره ثمين@مشهورين من عز القبايل@ مصدر فخر لساعة الدين@ان صاراغياب جت منهم رسايل@ رسايل شوق مليانا حنين @

--------------------------------------------------------

سلامات سلم ياعزيز علينا حتى بالنظر تسليمتك ترضينا يكفي سلام انظاركويكفي نسمعوها من بعيد اخبارك كان قلت لك يسعد الله نهارك حال غايتي منكالرد اجينا

--------------------------------------------------------

سلامات مني من بعيد إتجيكم.. وبالخير راني دوم ندكر فيكم.... باهيه سيرتكمونا دوم صاين بالوفاء رفقتكم.. يشهد الله وشاهدة عشرتكم.... وقت الشدايددوم نلقى فيكم

--------------------------------------------------------

سوال النبي شن درتلك من سيه.. الهاتف ينادي اوماتردي علي؟ شن درتلك منعيب..وانا بعيد عليك موش قريب..ابديت عندك في الحياغريب.ما اتقول جمعتناايام هنيا. او لو كان معنديش فيك نصيب .ماتنتسي مادام عيني حيا.

--------------------------------------------------------

شاقي بيكم .وساعه بعد ساعه أنرن عليكم..ما عمر عقلي ياعزيز أنسيكم..وعندكالحق آنقول غايب كنا..عندي العقل ياصاحب أيريد أيجيكم. لكن رصيدي والظروفلهنا..

--------------------------------------------------------

لا تجافونا من كثر غلاكم في المنام أتجونا أغليتو غلا ماصار

--------------------------------------------------------

كيف صلاتى غلاكم الدى واخد جميع اوقاتى نعيش صينه فى القلب طول حياتى

--------------------------------------------------------

غلاكم عندي ما ينعد اعزاز بجد شغلتو الخاطر لين انهد.

--------------------------------------------------------

في خيار الخير ابعادعن الغشش والهم والتكدير--اجعنا حياتنا

--------------------------------------------------------

مش كل من حب يحب ابنيه ..
ولاكل رفقه على الوفاء مبنيه ..
تلقى اللى يحبوك وتلقى اللى فى الناس مايبوك
وتلقى اللى بالخير ديما يجوك
وتلقى اللى فى الطبع كيف الحيه
ومش كل من حبك يحب ابنيه ...

--------------------------------------------------------

حنون امعاي لاتغيب عنى ولاتهون غلاي
خليك ياغالى حنون وافى
وخليك ديمه حنانك صافى
وانت النفس وانت دواى الشافى
وانت الغلا وانت حدود امناى

--------------------------------------------------------

سلام اندزه سلام حب للغالى
وصاحب صحيح انعزه
ماهو طمع فى شيء
غير معزه

--------------------------------------------------------

انحايل على روحى
انقول انسيتك
فوق الغلا زايد غلا تاريتك

--------------------------------------------------------

ان شاء الله يطيح من فوق جبل ..
ويقرصه نحل..

اللي شافك وما قال عسل ..

--------------------------------------------------------

اعــزك حتي في غيابـــكـ ويهمني راحة أعصابك ..
اريــدكـ تضحك وتلعب ولا دمعه تدق بابــــكـ ..

--------------------------------------------------------

صباح الرياحين وزهور البساتين ..
علي عيون الحلوين ..
اللي علي القلب غاليين ..
وشوفتهم تسوي ملايين ..
ودعــائي لرب العلمين..
يسعدهم ويكونوا مرتاحين..

--------------------------------------------------------

يا ريتني ناموسه ،،
في غرفتك محبوسه ،،
ونبوسكـ بوسة،
، تضربني ونموت ،،
في حبــك مفعوصــــــة..

--------------------------------------------------------

سألت الطيــر : تقدر توصل سلامي للغاليين ..؟؟
رد علي الطير وقال : نخدم عند أبوكـ ..؟؟
حتي بعد ما درتو نقالات تبوا تعبونا..؟؟

--------------------------------------------------------

الجرح من الاحباب واعر طبه ولكن جروح الكارهين شفاه
والجرح من واحد عزيز تحبه يطول وماينفع معاه دوا
والعبد مايقدر يعاند ربه هاللي خلق كل العبيد سوا
واللي تشكره يصعب عليك تسبه واللي يكرهك يمنع عليك دواه

--------------------------------------------------------

انشوفك لمحه

اشتاق خاطرى يابو ملامح سمحه

صبرى كمل نبى انشوفك لمحه

--------------------------------------------------------

خلانى انعد الليل نجمة نجمة

جفانى عزيز الله مقوى عزمه

--------------------------------------------------------

صعيبه عالخاطر ينساك

اللي مايضحك غير معاك

--------------------------------------------------------

مازلت نطلب في غلاك و نسعى

حتى بعد هلت الفين و تسعه

--------------------------------------------------------

ليا وبس ,هذا شعوري ودوم بيه انحس,عزيز خالقه
ربي ليا وبس,
ليا بروحي ,ياللي شوفتك بلسم دوا لجروحي,وانت
عارف روحك اتشابه روحي,والحب واضح دوم ومايندس,
ليا اوحدي عهد نبيه منك ما ادير بعدي.اوحق من خلقني وكل ما في جهدي,ماننساك دابينا فيا نفس.

--------------------------------------------------------

دايرين كتيبه..ضروري اسماكم في الكلام انجيبه..للعقل نحلف..دايرين كتيبه

--------------------------------------------------------

عليه اللعنه..من يوم ما رحل بالشوق ما ودعنا..عزيز تباً له ..عليه اللعنه.

--------------------------------------------------------

يا جافينا..جابك منام الليل وين اغفينا..بلا جميلتك
شفناك.. يا ناسينا..

--------------------------------------------------------

كوم أوحده..لا درت قبله ولا اندير بعده..عزيز في الغلا ياهوووو..كوم أوحده.

--------------------------------------------------------

وين ما كبدنا..خلانا العزيز في لوهام وحدنا..خيب رجانا فيه ..وين ما كبدنا.

--------------------------------------------------------

يلعن بوهن..الشوق والغلا والصوب.ما نبوهن..لو كان ماهن لك ..يلعن بوهن.

--------------------------------------------------------

فوق ما تصور..سبله وبلا سبله امغير ايدور..حاكم عليه اريافه..فوق ما تصور.

--------------------------------------------------------

ما هي نزوه أخترتك حبيب لروحي وظل وعزوه..موش مصلحه صوبك..وما هي نزوه..

--------------------------------------------------------

تسوى تفله..يلي سكنت القلب ساعة غفله..الدنيا بلاك أعيه..تسوى تفله..

--------------------------------------------------------

رن وسكر..على قلب يحلم بيك وفيك ايفكر..ما تخاف نفتح عليك..رن وسكر..

--------------------------------------------------------

دبر راسك..امرايف عليك ومشتهي مجلاسك ..ما نريد نسمع عذر ..دبر راسك.

--------------------------------------------------------

خيرتهن واختارن..ولا غيرك غوالي دارن..لانظار يا عزيز خيرتهن واختارن..

--------------------------------------------------------

استوطن ودار املاك..غلاكم في تراكين خاطري..

--------------------------------------------------------

تبا عليه اللعنة** من حاشن مشى بالشوق ماودعنا**عزيز خانني ياناس

--------------------------------------------------------

» مسجات ليبية 100%
» مسجات حب 2011, مسجات حب 2011
» رسائل عيد الاضحي ليبيا 2011 - اجمل اروع مسجات عيد الاضحي الليبيه
» مسجات عيد الاضحي بنكهة 17فبراير
» رسائل عيد الاضحي 2011 مسجات عيد الاضحى